Kang Bisa Kacakup Ing Kasusastran Jawa

19.07 |


KANG BISA KACAKUP ING KASUSASTRAN JAWA
 

          Kasusastran Jawa, mesti bae bisa nyakup sakabehe unen-unen kang kadadean saka tatanane tembung-tembung Jawa kayata:
  • Tembung saroja.
  • Yogyaswara.
  • Tembung garba (sandi).
  •  Tembung plutan.
  • Rura basa.
  • Kerata basa.
  •  Tembung entar.
  • Paribasa.
  •  Bebasan.
  • Saloka.
  •  Cangkriman.
  • Dasanama.
  •  Pepindan.
  • Candra.
  • Gugon-tuhon.
  •  Purwakanthi.
  • Wangsalan.
  • Parikan.
  • Ukara sesumbar.
  • Guritan.
  • Tembang gede tengahan Macapat.
  • Kasusastran ing gendhing.
  • Suluk.
  •  Donga, japa-mantra.
  • Basa peprenesan.
  • Sanepa.
  • Isbat.
  • Pralambang.
  • Basa rinengga
  • Sandiasma.
  • Sengkalan.
  • Lan liya-liyane.
          Naning ora teges manawa kasusastran Jawa iku kena diperang-perang kaya mangkono. Peprincen ing dhuwur iku mungnuduhake warna-warnane bab kang bisa kacakup ing kasustaan Jawa, dadi kena diarani sing dadi ubarampene kasustran Jawa. Mungguha panganan, peprincen ing dhuwur iku minangka bakale panganan dalah bumbu-bumbune.
          Ingatase wong nedya nggilut kasustraan Jawa, prelu uga ngreti peprincen ing dhuwur iku, sanajan ora perlu apal. Sungih apalan bab tegese tembung-tembung lan peprincene basa, iku becik banget. Nanging yen mung apal bae, ora teges wis pinter ing babagan kasusastran, sabab ingategese kasusastran iku sing wigati banget ngerti lan bisa ngetrapake sing apik tetembungan lan peprincening basa, nganti bisa dadi basa kang endah.
          Pepindane juru-madhaharan. Sugih bakal panganan dalah bumbu-bumbune iku pancen ya prelu banget. Nanging sawise sugih uba-rampe sabumbune, bisa ngolah panganan sing endah rupane apa ora, nikmat rasane apa ora, sedhep apa cemplang, gumantung lebdan lan orane sang juru-madhaharan marang babagan olah-olah.

  • Digg
  • Del.icio.us
  • StumbleUpon
  • Reddit
  • RSS
Diposting oleh Unknown

0 komentar:

Posting Komentar

Langganan: Posting Komentar (Atom)